| Сделать стартовой  |  Добавить в избранное | RSS 2.0
 |   | 
 
Поиск по сайту: Расширенный поиск по сайту   •   Аварско-русско-англо-турецко-арабский онлайн словарь:


Новости сайта

Рейтинг новостей

Архив новостей


Партнеры

Наша Кнопка (размер 31X88)

Получить код Кнопки Gif

Разместите на своем сайте нашу кнопку, а в ответ мы разместим Вашу кнопку или ссылку!

Если Вы нашли ошибку в тексте, выделите ее и нажмите Ctrl+Enter
 
» МугIалимасул захIмат – халкъалъул букIинесеб
14 сентября 2011 | Аварский Язык | добавил(а): isma78 | Просмотров: 16114
I - Съезд учителей аварского языка  Исана ноябрь моцIалъул авалалда  ДРОО "Вацлъи" жамгIияталъул  хIаракаталда, ахIизе буго тIолго магIарулазул авар мацIалъул мугIалимзабазул тIоцебесеб съезд. Гьеб данделъи тIобитIизе ккеялъе ругел гIилабазул ва цере лъезе ругел суалазул къокъго баян кьолеб буго.

Нилъер пачалихъалъул законазул микьабилеб статьяялъ изну кьолеб букIаго, нилъеда тIадаб буго гIагараб мацI, ай рахьдал мацI цIунизе. Гьелъул тIалаб-агъаз гьечIолъиялъ нилъ гIицIго гьелдалъун гIолеб гIелалъухъе кьолел миллиял бечелъаби тIагIиналде гурелги, жибго халкъ тIагIиналдеги рачIине бегьула. Гьаблъиялда рахьдал мацIалъул ахIвал-хIал букIаго, щаклъи гьечIо, кигIанго мукIурлъизе захIмат букIаниги, гIемер рикIкIада гьечIо нилъеде гьеб къварилъи, жеги муIканго абуни, балагь бачIунеб къоги. МагIарулазул жамагIаталда гьоркьоб цIакъго цIакъ дагьлъун руго рахьдал мацIалъул бицунел ва гьелъул хIакъикъияб сипат-сурат цере росулел хIалтIухъабиги, хIатта гьелъухъ жидее хIукуматалъ харжги биччан, халкъалъ божилъиги гьабун тарал ругониги. Гьеди гьересилъунгутIизе гуреб, гьездаса щолеб мунпагIатги дагьлъулеб буго. Я нилъерго газетал цIалуларел, я магIарул мацIалъул передачабазухъ гIин базе гьеб бичIчIуларел, ялъуни бищун кIвар бугеблъун лъугьараб магIишатияб рахъалдасан лъималазда умумузул мацIцин малъизе заман гьечIел эбел-инсул бича-бихъантеялъ пардав рехарал нилъер букIинесеб гIолеб гIелалъе гIагараб мацIги гьелдалъун щолел бечелъабиги кьезе бищун цIикIкIун бажарулел чи – гIицIго рахьдал мацIалъул мугIалимзаби руго. Гьезул хIалтIиги пачалихъалъул сундулго рахъалъ кIваргьечIолъиялъ махIниги лъикIаб гьечIеб бакIалде ккун буго.

Гьебги хIисабалде босун, гIагараб заманалда гIуцIизе ракIалда бугеб рахьдал мацIалъул мугIалимзабазул данделъиялъул (съездалъул) аслияб масъалалъун ккола магIарул мацI ва гьелдалъун щолел бечелъаби гIолеб гIелалъухъе кьолел мугIалимзабазе гьанжесеб лъайкьеялъулал аслиял рахъаздаса ва церетIеяздаса пайдаги босун, гIаммаб пикруялдеги рачIун тарбия-лъай кьеялъе кумек гьаби ва жалго мугIалимзабазул хIалтIулъ росарал церетIеял ва махщел мисалиялъуллъун цогидазухъеги кьей.

Дагъистан тун къватIирехун ругел магIарулазул мацI цIуниялъул рахъалъ захIмалъаби цIикIкIарал руго. Хасго загьирго гьел дандчIвала аскIоб бугеб Азербайджан республикаялъул ращадаздасаги цIикIкIараб къадар магIарулаз гIумру гьабулеб Закатала ва Белокан районазда. БакIалъулал нухмалъулез рахьдал мацI малъизе гьарулел квалквалазул ва дандечIеязул гIемерго бицана гьениб бугеб ахIвал-хIал лъалел ва гьелъие мустахIикъаб къимат кьезе махщел бугел политиказгун журналистаз. Амма гьелъул бищунго кIудияб гIайиб нилъеда – Дагъистаналда ругел магIарулазда буго. Кинха букIинареб, гIагараб ракьалдагицин нилъеца нилъерго умумузул мацIалде мугъ рехулеб бугеб мехалъ? Нилъер гьаниб мацIалдехун бугеб бербалагьиялдалъун кьола къватIир ругел цойгидаб миллатазул нухмалъулезги гьелъие кIвар. Нилъер школазда рахьдал мацIалъул дарсалги мукъсан гьаруни, магIарул мацIалда рахъулел газетал-журналаздеги кIварго кьолеб гьечIони, передачабазе биччараб заманги гьеб халкъалда рагIулеб нухги (частотаги) кIварго гьечIого толеб бугони, гьеб киналдаго разилъарал кинигин гIенеккун нилъгоги чIун ругони, кинабха бербалагьи букIинеб ватIаналда ругез «рикIкIунареб» рахьдал мацIалдехун къватIир ругезул бербалгьи? Дарсал къокъ гьариялдалъун мукъсанлъи ккараб гIеларилан, хIатта магIарухъ ругел цо-цо школалъул нухмалъулезги буго школазда дарсал кьей гIурус мацIалде сверизабулеб. Россиялъул Законодатель-ствоялъул III-леб бетIералъул 10-леб статьяялда рекъон, школазе ихтияр кьун буго рахьдал мацIалъ лъай кьеялъулаб хIалтIи бачине. Хьергебдерил ах бахиндал тIокIаб магIарул мацI щайилан ракIалде ккаразда кIочонге, мацI билиялда цадахъ нужер лъималазул миллатги билизе букIин ва гIолеб гIел, кирхун кканиги, абадиял апарагзабилъун хутIизе рукIин. МагIарулазул таваккалалъухъ ралагьун руго Турциялда, Грузиялда, Азербайджаналда ва цогидалги Дагъистан тун къватIирехун ругел магIарулал гурелги, жибго Дагъистаналда ругел гьеб халкъ цIуниялъул суал рекIеда унтулел цойгидал миллатазул церехъабиги.

Школалда рихьизарурал мискиналго сагIтазул заманалда, хасго шагьаралъул школазда анкьий кьураб цо сагIаталъ, кигIанго гъираялда хIалтIулев мугIалимасе рес кколаро ракIалда бугеб лъай цIалдохъабазухъе кьезе. Гьелда тIадеги дандчIвалел захIмалъаби руго магIарул мацIалъул тарбия-лъай кьеялъулаб методикагун тIахьазул мукъсанлъиги. МагIарул мацIалъул мугIалимзаби ва цойгидалги специалистал хIадурулеб бакI гIицIго лъабго хутIун буго: педагогикияб университет, Буйнакскиялъул ва Хасавюрталъул педагогикиял училищаби. Ругел специалистазги школазда цойгидал гIелмиял дарсал гъваридго, батIи-батIиял кумекалъулал алатаздалъун цIалдохъабазухъе кьолеб мехалъ, магIарул мацIалъул гьечIо хIатта аслияб гIелму гIатIидго жаниб бугел тIахьалгицин; методикиял тIахьал гьечIолъиялъ мугIалим живго хIалтIизе кколев вуго гьелда тIадги.

Рахьдал мацIазда хурхун бугеб ахIвал-хIалги захIмалъабиги хIисабалде росун, мугIалимзабазул данделъи ахIиялъул мурадал руго:

МагIарул ва шагьаралъул школазда рахьдал мацIалъул дарсазул сагIтал цIикIкIинариялъе Дагъистаналъул Лъай кьеялъул министерствоялде хитIаб хIадури.

Дагъистаналъул Пачалихъияб универстеталъул Дагъистаналъул филологияб факультет къаялъул суал дандбай. Гьеб цIи гьабизе хIалтIи гьабиялъул пикраби.

Школазда магIарул мацIалъул дарсал рачунел мугIалимзабазул хIалтIул ва гьеб гIуцIиялъул захIмалъаби бигьалъизариялда тIад хIалтIи.

МугIалимзабазе рахьдал мацIалъул дарсал рачиналъул методикиял тIахьал хIадури, жалго мугIалимзабазул хIалтIул хIалбихьиялдаса пайдаги босун, гьелда тIад хIалтIулел гIелмиял гIуцIияздасан ва гIалимзабазул кумекалдалъун.

ЦIалдохъабаз школазда хIалтIизарулел тIахьал ва кумекалъулал алатал. Гьезулъ гIунгутIаби ва церетIеял.

ГIисинал лъималазул ясли-ахазда магIарул мацIалъ тарбия-лъай кьеялъул насихIатчи ва гьезие кумекалъулаб материал хIадури.

Эркенаб заманалда пайда босизе магIарул мацIалда къватIир риччарал тIахьал цIи гьари ва гIемер гьари.

Гьанжесеб лъайкьеялъул тIалабада рекъон, рахьдал мацIалъул дарсал рачунел мугIалимабазе кумекалъе ва цIалдохъабаца пайда босиялъе электронияб материал хIадури: дисказда хъварал тIахьал, цIалулел асарал, таблицаби, суратал, методикиял тIахьал ва гь.ц.

Цере лъурал масъалабазул ращадалниги рагIалде рахъинаризе бажарани, гьеб букIинаан гIагараб мацI малъулезе ва гьеб лъазабизе бокьразе кIудияб кумек. «Вацлъи» гIуцIиялъулазул мурад буго цере чIарал захIмалъабазухъ ралагьичIого магIарул мацI ва гьелъул бечелъиялъ загьир гьабулеб тIолабго бечелъи цIуни ва гIолеб гIелалъухъе кьей. Ниж божула, Дагъистаналъул чармилаб кьучIлъун бугеб магIарул халкъ гIаммаб бажариялдалъун жеги чанго гIасрабаз цIунилилан ва нужеца – аслияб захIмат баччулел рахьдал мацIалъул мугIалимзабаз гьелъие кIвараб кумек гьабилилан.

Автор: Исмаил Таймасханов, ИЯЛИ ДНЦ, член правления ДРОО "Наше Братство - Вацлъи"
 
 (голосов: 7)
| | Комментарии (8) | Распечатать
 
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.


Поделиться:

Добавить страницу в закладки:
Добавить закладку в Бобрдобр Добавить закладку в news2 Добавить закладку в Memori Добавить закладку в Newsland Добавить закладку в СМИ2 Добавить закладку в Vaau Добавить закладку в Mister-Wong Добавить закладку в Newsvine Добавить закладку в Delicoius Добавить закладку в Slashdot Добавить закладку в Blogmarks Добавить закладку в Technorati Добавить закладку в Folkd


Если Вам понравилась новость поделитесь с друзьями :

Другие новости по теме:



 

#1 написал(а): AbuMuhammadkhan (14 сентября 2011 23:33)

Цебего заман цун буго, жибго мац1ги хъисулеб буго, гемер г1урус раг1аби х1алт1изарулел руго, дида ккола гьал г1урус раг1аби хъисизе ккола маг1арул раг1абазде, цинги, дун цвана цевего Турциялде, ватана дова цо маг1арулав, гъосда лъик1 лъалев бук1ана маг1арул мац1. Цинги алфавит г1ажам х1алт1изабизе лъик1 бук1инаг1ан



Дие бокьун бук1ана гьаниб почта рагьизе, к1веч1о дида


#2 написал(а): muhamedavar (14 сентября 2011 23:57)

Просьба всем прочитавщим статью поспособствовать её максимальному распространению через социальные сети и другие доступные вам интернет ресурсы. Созыв 1 съезда учителей аварского языка это не рядовое событие. Проблема  постепенного вытеснения родных языков  из обихода сегодня актуальна не только для аварцев но и для всех народностей Дагестана. Об этом много говорится на разных уровнях но практических шагов для решения проблемы почти нет. ДРОО "Наше братство-Вацлъи"  созывает этот съезд с тем чтоб на конец перейти от слов к делу в вопросе сохранения родных языков. На наш взгляд начинать эту работу необходимо в тесном контакте с учителями по этому съезд и назван съездом учителей. Их опыт и знание реального положения дел в этой сфере помогут в вынесении правильных решений. На съезд так же будут приглашены чиновники от министерства образования и руководители районных отделов образования от которых во многом зависит реализация  принятых на съезде решений. ДРОО "Наше братство-Вацлъи" призывает представителей всех народов Дагестана последовать нашему примеру и созывать съезды учителей своих родных языков с тем чтоб в итоге созвать  Общедагестанский съезд учителей родных языков.

#3 написал(а): muhamedavar (15 сентября 2011 00:53)

AbuMuhammadkhan  сайталда  почта рагьизе шибго зах1матаб жо гьеч1о. Сайталъул бишун т1аса, кваранаб бок1оналда бугеб хъах1аб гордониб "регистрация" хъвараб бак1алдеги ваккун гьениб дурго "логин" ва "пароль" бухьинабе.Хадуб системаялъ манлъула шиб гьабизе кколебали. 

#4 написал(а): AbuMuhammadkhan (16 сентября 2011 22:11)

Цинги лъик1 бук1инаг1ан ц1аралги маг1арул къаг1идаялда хъазе, масала, Мух1аммад Сайпуллагьилазул Мух1аммадханасул вас

#5 написал(а): murad-30ing (30 сентября 2011 07:29)

Ассалам г1алайкум.Бокьилаан цебеккунго лъазе чанабилелъ ва киб  гьеб бик1ине бугебали. Щай гьединаб иш т1обит1улаго регистрация бугезухъе эл.почалдаса ругьел бит1изе бегьулареб яги сайталъул гьурмада анонс - х1исабалда киназдаго бихьуледухъ бат1аго цо хъоршода хъвалареб?

#6 написал(а): muhamedavar (30 сентября 2011 14:35)

Ваг1алайкум салам! Иншааллагь гьеб мажлис т1обит1улеб бак1 ва заман киназдаго лъазабизе буго к1иго анкьалъ цебеккун. Анонс бук1ине буго maarulal.ru сайталда ва гьединго вацлъи.рф сайталда. Гьединго лъазабиял рук1ине руго Х!акъикъат, Миллат ва гь.ц газетабаздаги.

#7 написал(а): Динара (15 ноября 2012 21:47)

к1иабилеб съезд кидаха?

#8 написал(а): Дибирмух1амад. (19 марта 2014 18:51)

Цо-цо къиралаз хъвараб ц1алидал, дида ккола г1адамазда "Маг1арул" ва "Г1араб" бат1а бахъизего лъалеб гьеч1ин. Маг1арул мац1алде цо-цо г1урус раг1и щай бегьизе бегьулареб, г1урухъ лъимг1ан г1емерал цоги мац1алдаса рач1арал раг1абиги гьелда гьоркьор рук1аго? Масала: баркала абураб раг1и маг1арул раг1и гуро, Заимствованное слово ккола гьеб. Ассимиляция языков абун интернеталдаг1аги балагьун ц1але. Гьеб гьукъизе рес гьеч1еб г1адан вижаралдаса нахъе бугеб жо буго.
 Мух1аммад Сайпуллагьилазул Мух1аммадханасул вас гьаб рахас щай  гьабилеб? Гьебги аваразул гуро, г1арабазул буго, пуланасул вас пуланавилан абула гьезги. Нилъ г1арабал гуро, аварал руго. Аварал г1адин рук1а. 
Аллагьас цин диеги, хадуб нужееги г1акълу кьеги. 

Информация
Посетители, находящиеся в группе Гости, не могут оставлять комментарии в данной новости.
Панель управления


Последние комментарии

Календарь
«    Март 2024    »
ПнВтСрЧтПтСбВс
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

Статистика
Опрос

Лучший из сайтов
Неплохой сайт
Устраивает ... но ...
Встречал(а) и получше
Совсем не понравился


  Главная  |  Регистрация  |  Правила  |  Библиотека  |  Фотогалерея  |  Видео и ТВ |  Обратная связь
© MAARULAL.RU 2009   Design by  Tsor-Studio.   Все права защищены
ALLDAG.ru  Яндекс цитирования Система Orphus
 
Мнение администрации сайта может не совпадать с точкой зрения авторов статей !
При использовании материалов сайта, активная гиперссылка на сайт Maarulal.Ru обязательна!
При использовании материалов сайта в печатных СМИ, на ТВ, Радио - упоминание сайта обязательно!
Так же обязательно, при использовании материалов сайта указывать авторов материалов.