Х1урматиял авар мац1алъул муг1алимзаби ! Щибаб данделъиялда нужер зигара бук1уна дарс кьезе къвариг1унел т1ахьал, программаби, пособиял ва гь.ц х1укуматалъул жавабиял идарабаз школабазе бук1ине кколеб къадаралда ч1ч1езарулел гьеч1ин абун.  Гьедин бицана нужеца лъабго соналъ цебе ДНЦ ялда т1обит1араб рахьдал мац1азул муг1алимзабазул данделъиялдаги, гьебго суал бук1ана борхулеб дагьаб цебе авар театралда т1обит1араб "Рахьдал мац1азул къо" к1одо гьабулеб тадбираздаги. Гьелдасан бихьулеб буго гьел жавабиял чаг1азе гьеб суал тохде балеб ц1ад бук1ин. Жидерго харжалги росун, цо-цо данделъиялде рач1ун докладалги ц1алун, цойгидаб заман кисада щибда т1езабизе щвелаян буго гьезулги пикру. Гьедин бугелъул г1урусазул цо аби рак1алдеги щвезабун - "спасение утопающих.."  нужое ва цойги гьелъул ургъел бугезе лъик1аблъун бихьула, цоцазе к1вараб кумек гьабун, данд бан х1алт1изе. Гьединаб кумеклъун бук1ине бегьула цо хассаб, киназего балагьизе щолеб бак1алда, нужерго дарсазул х1албихьиял  (разработкаби), презентацияби, программаби ва гь.ц данде босун бак1ари, ай цо файлообменник г1адаб жо гьаби.   maarulal.ru сайталъул администрациялъ гьединго "Вцлъи" жамг1ияталъ нужое гьеб ишалъе квербакъизе буго. Нужехъго бугеб, дарс кьезе ва лъималазе дарс бич1ч1изе пайдаяблъун бугеб материал бит1е сайталъул адресалде  maarulal@mail.ru  Нижеца гьел материалал гьанир рахъила ва бокьарав муг1алимасе скачать гьабизе ресал кьела. Нижецагоги нижехъе щвараб гьанибе бак1арила. "Гьаб дир разработка буго", "Гьаб дица х1адурараб презентация буго" абун жинде-жинда йоргъаби ц1алел ругонани гьеб иш нухда билъунароха.  Х1урматгун   М.А