Стихи посвящаются Гаджидадаеву Омардаде, выходцу из села Арадерих Гумбетовского района, человеку редкой души и редкой професии. Водолазу-спасателю героически погибщему при исполнениии служебного долга. Его именем назван один из кораблей Каспийской флотилии.

“Гаджидадаев”- человек и параход.
“Х1ажидадаев”- г1адан ва гама.

Жакъа ц1акъ гьалаглъун бихьулин Каспий
Кинаб балагь унго т1аде шун бугеб?!
Пашманго ч1ун хут1ун ругин гьал гуми
Гьезие нух къараб къварилъиго шиб?

Шай гьалаглъилареб гьайбатаб ралъад
Гьелъул т1инда г1арав инсан камидал
Кин пашманлъиларел ралъдада гуми
Гьел хвасар гьарурав вас ват1алъидал

Дун х1айранлъулев куц, ват1ан т1егьазе
Г1ет1 г1одобе т1урал вассал раг1идал
Огь рак1 бохулеб куц дирго росулъа
Ц1ар арав водолаз Г1умар рехседал

Бицунаан дие халкъ х1айранлъулеб
Х1икматав васасул лебаллъиялъул
Бицунаан дие ралъдалъ гъанкъулеб
Гьес хвасар гьабураб гамил х1акъалъулъ

Бицунаан дие Гьарадерихъа
Гьайбатав васасул гьунар махщалил
Ралъдал т1инуялда гама ц1унизе
Жиндирго рух1 бичун гьев къеркьеялъул

Амма наслабазе лебаллъиги тун
Ракьуле т1ерхьана ц1ар арав Г1умар
Даим лъадал т1инда ругьунал берал
Сабурго къанщана заман швелалде

Дида росуцояв гамиде сверун
Вихьула кидаго Каспиялда т1ад
Карачелал къот1ун къасеги къадги
Лъедола ч1ух1адго “Х1ажидадаев”

Стихи неизвестного автора.
По материалам Мухамеда Аварского.