Тоге магIарулал миллат билизе! » MAARULAL.RU :: Аварский Культурно-Просветительский Портал

» Тоге магIарулал миллат билизе!
14 октября 2011 | Аварский Язык | добавил(а): muhamedavar | Просмотров: 21524

Дагъистаналъул регионалияб жамгIият “Вацлъи”

АсаламугIалайкум хIурматиял магIарулал!

Нилъер гьабан цIар лъезе лъалареб, унго-унголъунги захIматаб, халкъалда гьоркьоб, рикIкIен гIемераб, кинан щварабали хIисаб гьабулареб боцIул гурони къимат гьечIеб заманалда халкъалъул хIакъикъияб бечелъи – рухIияб рахъги захIматаб бакIалде ккун буго. Сверухъ бугеб, бералда бихьулелде кIвар кьун, гьелдасан аслияб тарбия щолеб гIолеб гIелалдаги гIицIго боцIи буго унго-унгояб хазиянайилан кколеб. Амма нилъер бечелъи – гьеб буго гIакъилал умумуца нилъей нахъе тараб рухIияб ирс.

Умумузул гIумрудул нух, гIадат-гIамал, тарих ва маданият унго-унгояб цIубараб ва камилаб куцалда гIицIго рахьдал мацIалъул кумекалдалъун гурого гIолеб гIелалъухъе швезе рес гьечIо. Жакъа къоялда, хIукуматалъ ва жамгIияталъ лъималазда рахьдал мацI манлъиялъе гьарулел тадбирал цIакъго загIипал руго. Гьеб бигьаяб гуреб суал аслияб куцалда тIаде бегараллъун руго рахьдал мацIалъул мугIалимзаби. Пачалихъалъ загIипаб гурони харжги кьоларел, гьезул захIматалъул къимат киназдаго тIубан бичIчIунгутIиялъ мукъсанаб гурони баркалаги щоларел мугIалимзабазе гьай-гьай захIмат буго хIалтIи цебе бачине.

Хадусеб, ай ноябрь моцIалъул 5 къоялъ сагIат кIигоялда (05.11.2011, 14.00) Дагъистаналъул жамгIияб гIуцIи «Вацлъиялъ» МахIачхъалаялда Дагъистаналъул ГIелмияб Академиялда тIобитIизе буго «МугIалимасул захIмат – халкъалъул букIинесеб» абураб жамгIиябгун гIелмияб данделъи. Гьелъул мурад буго пачалихъалъул нухмалъулездасан рахьдал мацIазул дарсазе кьолел сагIтал цIикIкIинари ва гьел рачунел мугIалимзабазе хIалтIулъ бигьалъаби тIалаб гьаби, гьединго жалго мугIалимабазул хIалтIул хIалбихьиял цоцазулгун дандрай, басмаялде рахъун, гьел киназего гIаммаллъун гьари. Дарсал рачиналъул цIиял къагIидабаздасан, гIелмиялгун-техникиял бергьенлъабаздасан пайда босун хIалтIиялде кIвар кьей ва жалго мугIалимзабазул пикрабазухъ гIенекки, щай гурелъул «векьарухъанасда хур лъала, лъетIахъанасда гIор лъала»-ян абулеб кициялда рекъон, рахьдал мацIалъул хIакъикъияб ахIвал-хIал ва унти гьезда гIадин лъидаго бичIчIуларелъул.

Мурад буго нилъер магIарул халкъалъул букIинеселъул ургъел бугез данделъи кIвар гьечIого теларилан.

Хириял магIарулал! ХIакълъунго, цо Къоялъ киналъулго Ахир бачIуна – гьеб Аллагьасул хIукму буго, амма гьелде щвелалде магIарул миллат тIагIани гьеб нилъер кIваргьечIолъи буго.

Тоге магIарулал миллат билизе!

Дагъистаналъул регионалияб жамгIият “Вацлъи”
МахIачхъала 2011 сон.

(голосов: 10)

| | Комментарии (1) | Распечатать

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

Добавить страницу в закладки:

Если Вам понравилась новость поделитесь с друзьями :

HTML-cсылка на публикацию
BB-cсылка на публикацию
Прямая ссылка на публикацию

Другие новости по теме:

МугIалимасул захIмат – халкъалъул букIинесеб

Второй Республиканский фестиваль аварского языка

Маг1арулазул г1олохъанав хъвадарухъан Исмаг1ил Таймасхановасул “ Рит1ич1е ...

Гьудуласде кагъат

МухIамад Хlамзаевасул хlакъикъат

МагIарул мацIалъеги бакI кье шагьра-нухазда!

Хьаргаби росулъ рихьила, гьалмагъзаби!

МацI хIажат буго миллат цIунизе

Сеймур Ханаев. Чороклъиялъул эбел

Инсанасе мустахIикъаб къимат халкъалъ кьола.

#1 написал(а): Г1абдулвагьабов Мух1амад. (5 февраля 2018 10:48)

Группа: Гости
Регистрация: --

Дие ёкьунилан ч1ух1ун ятани
Дуе вокьарасе ёкьиладай мун.
Г1щикъаб дир раг1ухъ г1ин т1амич1они
Г1инкъасул къвалакь кун гъанкъизе гурин.

Къвват1ул хабаразда хехго божани
Дудаго лъач1ого херлъун ятила.
Лъималазул дада дуй вокьич1они
Бах1арго херлъарав лотиясе а.
Огь,дун г1ащикъ вуго гьайбатаб т1огьохъ
Унго т1ун инадай г1ищкъу лъаларес.
Вай,дун къечон вуго чалухал берахъ
Унго гьекъеладай т1аг1ам лъаларес....

Долъухъ вук1анишан гъой ёкьулишан
Яс,дур суалаца сакван вуго дун ,
Дирги буго суал жаываб бокьани
Вокьилиш дуе дун дойлъун йигони.
Дун дирго бак1алда вугебг1ан мехалъ
Мун тун бат1аяй дий ёкьизе гьеч1о
Мун ёкьаоав вокьун рукьбал риаяй
Кье диеги жаваб рух1 бахъилалде.

Гё1умру чанав арав чанахъанасде
Ишан босун буго чанибурт1ица.
Лъабго лъади ячун лъадарарав дун
Лъимер г1адай жоялъ вуго виунев.

Маг1арда чан буго чанахъанилан
Чанил бурут1 буго аздагьойилан.
Х1амица ран руго гарбида ч1умал
Бац1ица бан буго чехьалда чалма.

Секуд минутлъун буго,
Минут саг1атлъун буго
Рах1ат хун холев вуго
Хехго яч1а хирияй.
Саг1ат минутлъун буго
Минут секундлъун буго
Бугеб цо ц1акъаб лах1зат
Унге дун тун хирияй.

ICQ: --

	Информация
		Посетители, находящиеся в группе Гости, не могут оставлять комментарии в данной новости.