Второй Республиканский фестиваль аварского языка » MAARULAL.RU :: Аварский Культурно-Просветительский Портал

» Второй Республиканский фестиваль аварского языка
29 февраля 2012 | Общество, Аварский Язык | добавил(а): muhamedavar | Просмотров: 18756

В апреле прошлого года состоялся Первый Республиканский фестиваль аварского языка в Гергебиле.
ДРОО "Наше Братство-Вацлъи" начинает подготовку ко второму фестивалю в нынешнем году.

АссаламугIалайкум хIурматиял миллат цоял аварал.

Гьале нахъ балагьилелде сверана цойги лъагIел. Сон-церекъадин ккола гъоркьисала, баракатаб Хьергебдерил ракьалда культураялъул кIалгIабахъ, ТIоцебесеб республикаялъул авар мацIалъул байрамалде хIадурлъулел рук1арал заман. РакIалде швезаризе бокьун руго гьеб байрам тIобитIизе квер бакъарал Хьаргаби районалъул администрациялъул бетIер М.МухIамадов, гьебго районалъул гIолохъабазда гьоркьосел ишазул комитеталъул бетIер М.Арбулиев, культураялъул бетIер М.Шахназаров, "Вацлъиялъул" хIаракатчи, Питералда яшав гьабун вугев Хьаргаби росулъа М.ХIажиев ва гьел гурел чанго цойгидалги гьалмагъзаби.

Гьел тIадехун рехсарал саламатал магIарулазул кумекалдалъун "Вацлъи" жамгIияталъ тIобитIана унго-унгояб авар мацIалъул байрам. Гьениб гIахьаллъи гьабуна тIолго магIарул районаздаса вакилзабаз, хас гьабун абуни школ лъималаз ва гьезул нухмалъулез. Гьез цебе босараб культурияб программаялъе къимат кьезе ахIун рукIана ДНЦялъул, Хъвадарухъабазул союзалъул, Авар театралъул ва цойги идарабазул вакилзабиги. Лъималаз рихьизаруна кечI ахIиялъе, пасихIго цIалиялъе, кьурдиялъе ва гьединго театралиял постановкабазе жидерго бугеб махщел ва гьунар. Цере рахъаразда бажарана, балагьарал гIодизаризеги релъизаризеги. Авар мацIалъул гъварилъиги бечелъиги бихьизабизеги.

Хас гьабун къимат кьезе бокьун буго гьел хIадурарал гьезул мугIалимзабазеги. Къецазул хIассилазда бергьаразул ялъуни къаразул нилъеца жакъад бицинаро. Баркала кьезе бокьун буго гьеб байрам кIодо гьабун нижер ахIиялъе жавабги гьабун гьеб байрамалде рачIанщиназе. Пал хIассил авалалдаго хIисабалде босун букIахъе, гьеб байрам шибаб лъагIалица тIобитIизе ракIалда буго. Гьале исанаги тIаде шолеб буго апрель моцI- фестиваль гьабизе цIар чIвараб. Бокьилаан гьеб нилъер миллаталъе кIвар цIикIкIараб авар мацIалъул байрамалда бан нужецаги нужерго пикраби загьир гьаризе. Кинал тадбирал тIаде журалел кинал тIаса рахъилел.

ГIицIго мацIалъул фестиваль хIисабалдайищ гьеб байрам цебе бачинеб ялъуни жеги гIатIидго, тIолго авар миллаталъул байрам хIисабалдайищ тIобитIизе рекъараб букIинебали. ЦIакъго бокьилаан, нижеда ай "Вацлъи" гIуцIиялда цадахъ гьеб ишалъе квер бакъизе къватIире рахъинин абулел магIарулал жеги-жеги ратаниги.

Дагъистаналда ругел цо-цо миллатазул цебегоялдаса руго жидерго гIаммал байрамал. Лезгияца, тумаца ва цойгидазги шибаб соналъ тIоритIула гьединал тIолго миллат данде гьабурал сухIматал, амма нилъер магIарулазул гьединаб жо гьечIо. Гьелда тIасанги бокьилаан нужер пикру рагIизе.

Ахиралдаги абизе бокьун буго ИншаАллагь исанаги авар мацIалъул байрам тIобитIизе ракIалда буго, гьебги букIине буго апрель моцIалъул ахиралдехун, гьеб ишалъе кумек гьабилин абураб районалъул ракьалда.

Нужее киназего сахлъи ва баракат гьарулел Вацлъиялъул церехъаби.

М.Г1абдулх1алимов

(голосов: 13)

| | Комментарии (0) | Распечатать

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

Добавить страницу в закладки:

Если Вам понравилась новость поделитесь с друзьями :

HTML-cсылка на публикацию
BB-cсылка на публикацию
Прямая ссылка на публикацию

Другие новости по теме:

Хьаргаби росулъ рихьила, гьалмагъзаби!

МугIалимасул захIмат – халкъалъул букIинесеб

Тоге магIарулал миллат билизе!

Гьудуласде кагъат

БатIияб заман. ЦIиял ракIбакъваял

Расул ХIамзатов. Авар мацI

Адабияб гIелмуялъул терминазул словарь. А. ХIамзатов. МахIачхъала 2013

Лебалав Г1алигъалбац1

Маг1арулазул г1олохъанав хъвадарухъан Исмаг1ил Таймасхановасул “ Рит1ич1е ...

Камуна белоканияв «Азербайжаналъул халкъияв артист» Телман Адыгезалов.

	Информация
		Посетители, находящиеся в группе Гости, не могут оставлять комментарии в данной новости.

« Ноябрь 2024 »

Пн

Вт

Ср

Чт

Пт

Сб

Вс