| Сделать стартовой  |  Добавить в избранное | RSS 2.0
 |   | 
 
Поиск по сайту: Расширенный поиск по сайту   •   Аварско-русско-англо-турецко-арабский онлайн словарь:


Новости сайта

Рейтинг новостей

Архив новостей


Партнеры

Наша Кнопка (размер 31X88)

Получить код Кнопки Gif

Разместите на своем сайте нашу кнопку, а в ответ мы разместим Вашу кнопку или ссылку!

Если Вы нашли ошибку в тексте, выделите ее и нажмите Ctrl+Enter
 
» БатIияб заман. ЦIиял ракIбакъваял
3 августа 2013 | Общество | добавил(а): isma78 | Просмотров: 23937
БатIияб заман. ЦIиял ракIбакъваял Азербайжанда гIумру гьабун ругел магIарулазул Закатала мухъалъул Динчи росулъ июналъул ахиралда тIобитIулеб букIана кIудияб тадбир - Шамил имам гьавуралдаса 215 сон тIубаялъул хIурматалда гIуцIараб  мажлис.

Гьеб тадбиралда гIахьаллъи гьабизе ун рукIарал Аваразул миллиябгун маданияб автономиялъул вакилзабазе кIудияб квал-квал гьабуна Азербайжанлъул гIорхъода. Лъабго анкь гIанасеб заманги таможниялъул «асирлъуда» бан Дагъистанде нахъвуссун вачIана автономиялъул вакил МикагIилов Мурад.
Азербайжанлъул таможниялъ бачIинахъего багьана чIван буго гьазухъ кодоб букIараб къайи-цIаялде. Автомномиялъул рахъалдаса  Динчи росдал жамагIаталъе росарал сайигъатазда гьоркьор рукIун руго магIарул мацIалъ хъварал тIахьал, гIарабалъ хъварал мавлидал, дискал, ансадерил устарзабаз гьарурал тIад накъищ кьабураб батIи-батIиял алаталги. "Аваразул автономиялъул" рахъалдаса абураб рагIиялда бер речIчIарабго карабиххун лъугьанин гьел. Кинаб автономияйин щиб гьабулеб гIуцIи гьебиланги абун нужехъ бугеб къайи-цIа къануналда рекъечIого гIорхъи бахун къватIибе босулеб къайи кколилан лъугьун руго таможниялъул хIалтIухъаби. Гьеб куцалда къоги унеб букIун ахирги Хачмасалда вугев Бадрудинил гIагарав чиясул дора рештIун урго гьел къаси. ХIасил-калам киналго документалги таможниялъул хIалтIухъабазухъ тун таксиялдаги рекIун ун руго Бадрудинги Мурадги Закаталаялде. Амма гьенирги цIиял ракIбакъваял рихьизе хъван букIун буго гьезда.

БатIияб заман. ЦIиял ракIбакъваял МикагIилов Мурад:
«Жибго цIадудаса гIадин хIинкъулел руго гьенир магIарулал абураб рагIудаса. Къоло анлъабилеб къоялъ букIараб мажлисалдаса хадуб нахъисеб къоялъ шагьаралъул паркалда гьабизе ракIалда букIана кеп-ихтилаталъул байрам. Амма гIагарде къазе биччачIо гьеб, бокьун бугищила кечI-бакъаналъул церерахъин, Шакиялда ( Азербайжанлъул шагьар, авт:) жидецаги тIоритIизе ругила тадбирал, гьениб жидер мацIалда гьабейила, гурони биччаларилан чIана».

Шамил имам ракIалде щвезавиялъул хIурматалда 26-абилеб къоялъ Динчи росулъ тIобитIараб гIадаб даражаялъул мажлис жинда жеги бихьичIилан мукIурлъана Бадрудин Ибрагьимовги. МагIаруллъиялъул махIги, яхIги чорхолъ бугел, магIарул рагIул къиматги гьабулеб, миллатцоялги рекIее гIагараб халкъ бугин жакъа Азербайжанлъул Закатала ва Билкан мухъалда, амма гьелъие квал-квал гьабулеб бугин Азербайжанлъул тIалъиялъ, гьеб тIалъиялъул зулмуялъукьа хIинкъун биччачIин Динчи росдал бегавулас мажлис тIобитIун хадусеб къоялъ ихтилат-кепгун кьурди-хъаталъул тадбир тIобитIизе.

БатIияб заман. ЦIиял ракIбакъваял Ибрагьимов Бадрудин: «Дица кидаго абула гьитIинаб миллат къварид гьабулеб пачалихъалъул букIинесеб гьечIилан. Гьебго жо гьабулеб буго жакъа Азербайжаналъги. Амма нилъ магIарулал руцIцIун чIезе бегьуларо, Аваразул миллиябгун маданияб автономия жакъа гIолохъанаб гIуцIи ккола, гьелъул хIалтIи цебетIезе кверчIвазе ккола нилъ киназго»

Русеталъул къватIисел ишазул Дагъистаналда вугев вакил ГIалиев Бадрудинцица кIудияб квер бакъи гьабунин гIорхъода ккун чIезавурав Мурадил документал нахъе щвеялъе, гьесулги Автономиялъулги кумек щун букIинчIебани чанго багьанаги батун жанив тIамизеги рес букIанин гьез Мурад.

МагIарулазул миллиябгун маданиб автономия Азербайжанда къабул гьабулеб бугин экстермистияб гIадин. Гьезул нухмалъиялда автономиялъул хIаракатчилъиялъулъ щибниги экстермисталъулаб кьучI гьечIеблъи бихьизабизелъун Дагъистан бахун къатIибехунги гьелъул хIалтIи гIатIид гьабизе кколилан абулеб буго Бадрудиница. ЦохIо регионалияб гуребги халкъазда гьоркьосеб гIуцIиялъул даражаялде бахинабизе кколин гьелъул хIаракатчилъи.

Ибрагьимов Бадрудин: «Чодаги рекIун чабхъад рахъунел магIарулал цере рукIана. Гьанже заман батIияб буго. Жакъа хвалчадул бакIалда хIалтIизабизе ккола бегIераб рагIиги, гъваридаб лъайги. Дипломатияб «чабхъеналъе» кьезе ккола нух. Гьеб нухалда унаго гIемераб хIалтIи гьабулеб буго миллияб автономиялъги, аслияб хIалтIи жеги цебе буго. ХIажат буго жакъа дагьабги гIатIилъуде, къватIисел пачалихъаздаги нилъер калам рагIулеб даражаялде рахине».

МагIарулазул миллиябгун маданияб автономиялъ хадусеб сапар биччас бичани бухьине буго ЦIоралде. Августалъул къоло цоабилеб къоялъ Къварели мухъалъул Тиви росулъ тIобитIизе буго кIудияб байрам – росдал къо. Гьединго нахъисеб къоялъ гьеб росулъ базе бугеб мажгиталъе кьучIги лъезе буго, ИншаАллагь. Рес рекъарав чи гьеб рохалилаб тадбиралда гIахьалъи гьабизе гьоболъухъ ахIулел руго цIоралъул магIарулаз.

А.Юсупов // Эркенлъи Радио





Видео (AvarTV)



 
 (голосов: 3)
| | Комментарии (0) | Распечатать
 
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.


Поделиться:

Добавить страницу в закладки:
Добавить закладку в Бобрдобр Добавить закладку в news2 Добавить закладку в Memori Добавить закладку в Newsland Добавить закладку в СМИ2 Добавить закладку в Vaau Добавить закладку в Mister-Wong Добавить закладку в Newsvine Добавить закладку в Delicoius Добавить закладку в Slashdot Добавить закладку в Blogmarks Добавить закладку в Technorati Добавить закладку в Folkd


Если Вам понравилась новость поделитесь с друзьями :

Другие новости по теме:



 

Информация
Посетители, находящиеся в группе Гости, не могут оставлять комментарии в данной новости.
Панель управления


Последние комментарии

Календарь
«    Март 2024    »
ПнВтСрЧтПтСбВс
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

Статистика
Опрос

Лучший из сайтов
Неплохой сайт
Устраивает ... но ...
Встречал(а) и получше
Совсем не понравился


  Главная  |  Регистрация  |  Правила  |  Библиотека  |  Фотогалерея  |  Видео и ТВ |  Обратная связь
© MAARULAL.RU 2009   Design by  Tsor-Studio.   Все права защищены
ALLDAG.ru  Яндекс цитирования Система Orphus
 
Мнение администрации сайта может не совпадать с точкой зрения авторов статей !
При использовании материалов сайта, активная гиперссылка на сайт Maarulal.Ru обязательна!
При использовании материалов сайта в печатных СМИ, на ТВ, Радио - упоминание сайта обязательно!
Так же обязательно, при использовании материалов сайта указывать авторов материалов.