Гьудуласде кагъат » MAARULAL.RU :: Аварский Культурно-Просветительский Портал

» Гьудуласде кагъат
27 марта 2011 | Письма от Посетителей Сайта | добавил(а): isma78 | Просмотров: 19443

Микагlил, тIад каламго гьечIого гIиял рак хъубаб бугилан рикIкIаниги, пайда босизе лъалесе гьебги цIакъ хайир цIикIкIараб жо буго. Нилъер магIарулаз гьелдаса пайда босана гъасда цIа свинчIого букIиналъеги, хуриса хIалухъин бечедаб бачIиналъеги. Гьелъухъего, цо-цо хIал лъаларез кигIанго какизе жигар бахъаниги, дицани рикIкIуна Интернет-бухьен лъикIаб иш бугилан, щай гурелъул гьелъул кумекалдалъун гIуцIана нилъеца «Вацлъи», гьелдалъун данделъана нилъерго халкъги, гьелъул бечелъиги цIунизе бокьарал, жигар бахъулел гIемерал гIолохъанал васал ва ясал. Бихьуларищха, лъикIаб рахъалде сверизабизе махщел-гьунар гIуни, гьалагаб гIорудасацин буго пайда…

Гьале лъабабилеб сон щолеб буго нилъеца «Вацлъи» гIуцIаралдаса. ГIуцIиялъул мурадги, дудаго лъалаха, гIицIго нилъер халкъги, гьелъул камилаб мацIги, бечедаб маданиятги, гьайбатаб адабиятги, бахIарчияб тарихги цIуни буго. Нилъ дагьа-дагьалккун гьелде рачIунелги руго. Амма нилъеца жеги лъилгунниги бахIс-къец гьабичIо – гIенеккун нилъерго, мукъсанаб бугониги, ишалде руссун рукIана. КIвараб жигарги бахъулеб букIана миллатал цоцазде данде тIамиялъе гуреб, гьел ракълиде, маслихIаталде ахIизе. Гьелъул хIасилги дагьа-дагьабккун лъикIаб рахъалде бачIунеб буго.

Амма нилъерго миллаталда гьоркьор гIемерал руго цойгидазда цебе жидейго цIар щвезе кинниги, нилъер къасдалги, гьарулел ишалги, бицараб рагIиги цоцазде щвезабулел ва гьелдаса пайда босулел гIадамал. Гьединаздаги нилъеца жакъа къоялде щвезегIан щибго абичIо, гьелъул гIаксалда нилъ рохулел рукIана нилъеца ракьулъе рехараб мугь лъалъазе гьел лъугьунел рукIиналдаса, кинниги халкъалъул бечелъиялъул хIалухъин, лъица гIезабун цIунаниги тарихалде свин гьечIеб цIалъунлъидал ине бугеб. ХIукуматалъ гIарац кьуниги хIакъал, пачалихъалъ гьел ишал гьаризе тIад божилъи гьабурал гIуцIияз кIварго кьечIого, тIаса-масаго риччан тарал хIалтIабазде нилъеца каву рагьана ва бажарараб куцалъ чвахиги кьун, тIокIкIинеги гьарун халкъалъухъе кьуна. Жеги нилъеца лъидаго абичIо гIагараб халкъалъулги, нилъер рачIин тIадегIан гьабулеб миллатлъулги ургъелго гьабуларезда гьезул гIунгутIиялда хурхен бугеб цониги рагIи. Амма бице, гьанжениги заман щун гьечIищ?

ГIемерал руго пачалихъалъул тIадегIанал хъулухъазда магIарулазул «церехъаби». Церехъабилъунги гьез жалго гIицIго кисиниб гIарац цIикIкIиналъги, къойил рокъобе хайир щолеб хъулухъалда нахъа рукIиналъги рикIкIунел руго. Ва дун божарав вуго, нухмалъиялъул кинаб молол гIагида хIакимчи ватаниги, гьезул ращадаздаса цIикIкIарал магIарул халкъалде ва жиндирго миллатияб рачIиналде мугъчIвайги гьабун рахарал руго. Амма щай гьез жидерго халкъалъул пикру гьабизе кколареб? Гьеб щивасда тIадаб борч буго.

Нилъ руго жамгIияб гIуцIиялъул церехъаби. Нилъеда тIадаб гьечIищ, унго-унголъун нилъерго халкъ бокьун данделъарал ратани, хIакъалда хIакъаб рагIи абизе? Щибаб жоялъул буго жиндирго гъалипги кьерги, амма кидалъизегIан нилъ рукIине ругел хъахIалда хъахIабиланги, чIегIералда чIегIерабиланги абичIого гIенеккун чIун. ГIадамазул ракIхвей бокьичIони, буго гурищ пикру бокьухъин загьир гьабизе бегьулеб къагIида – магIарул мацI гIемерго бечедаб буго рекIел къасдалги ботIрол пикраби загьир гьаризе. КигIанго абизе захIмат букIаниги, нилъ руго гIенеккун чIей загIиплъилъун рикIкIунеб нахъегIанаб заманалъул лагъзал. Пикрабазе кьун гурони, рагьун абизе мацIалъе жеги ихтияр щун гьечIо, амма нилъехъ гьечIищ, бацIида речIчIизе кIолеб гьечIониги, ручун сверун бекерахъдун бортанхъулеб гIиял гьойдулъгIанабниги гIакълу?

Дун хехдарулев ватизеги бегьула, гьелдасаги дун пашманав гьечIо – гьебги дир чIухIарал умумузул кьварараб гIамалалдаса цо бутIа буго. Кинниги сверухъ бугеб ахIвал-хIал якъинго лъалев ва бихьулев дие лъугьунеб, бихьулеб рекIелъ ва ботIролъ жаниб тезеги бигьаго гьечIо.

Кьезин абадияб, унтараб ва хехалан жаваб щолареб суал: щибдай гьабун лъикI, гьудул МикагIил?

И.Таймасханов.

(голосов: 9)

| | Комментарии (4) | Распечатать

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

Добавить страницу в закладки:

Если Вам понравилась новость поделитесь с друзьями :

HTML-cсылка на публикацию
BB-cсылка на публикацию
Прямая ссылка на публикацию

Другие новости по теме:

Маг1арулазул г1олохъанав хъвадарухъан Исмаг1ил Таймасхановасул “ Рит1ич1е ...

МугIалимасул захIмат – халкъалъул букIинесеб

Тоге магIарулал миллат билизе!

МахIачхъала жакъа

Второй Республиканский фестиваль аварского языка

Кинай йикIарай Дагъистаналъул чIужугIадан?

Сеймур Ханаев. Чороклъиялъул эбел

Расул ХIамзатов. Авар мацI

МагIарул мацIалъеги бакI кье шагьра-нухазда!

Исламалъе лъил зарал цIикIкIунеб?

#1 написал(а): Radg (27 марта 2011 20:10)

Группа: Пользователи
Регистрация: 8.06.2009

Х1урматияв Таймасханов!
Халкъалда, х1акъикъияб раг1и абизе цебего мехги щун т1асанги чвахун унеб буго замана. Хехдарулелги гьеч1ин нуж, гьелъул г1аксалда, г1унун ч1ун руго, гьединлъидал, кват1ун ратизеги бегьулин. Умумуз абун батана: бач1унелъул лълъар кквеч1они, лъутун унелъул рач1 кквезе щоларин абун. Нуж, жамг1иял г1уц1арухъабиги рук1индал, нужеда т1адаб буго, хъах1алда - хъах1аб, ч1ег1ералда- ч1ег1ерабин, абизе, ва нилъер церехъабазулги, т1адтаразулги, лъик1алги, квещалги рахъал къват1ир ч1вазаризе.
Х1ажи Билалов.

ICQ: --

#2 написал(а): maarulav77 (29 марта 2011 16:25)

Группа: Журналисты
Регистрация: 18.05.2009

Къват!ире ч!вазе зах!мат гьеч!о, гьел гьезул рахъал къват!ире ч!ван хадуб, гъеж цун цаддахъ аск!ов вахъун ч!езе к!олев чи камун вуго....

Жеги абизе жо- Къват!ибе ч!вазе х!инкъунги гьеч!о, нижер г!уц!и г!азариде бахъинеги ч!аралги гуро.....амма, гьабулеб х!алт!ул пикраби гьаризе ккола анц! анц! галиялъ цебе....г!адамал данде т!амич!ого, халкъ питнаялда буссинабич!ого...Дол х!акимчаг!аздаги гьоркьор ратула иман бугел, халкъалда гьоркьорги руго чанги х!алихьатал, гьединлъидал нилъ киннналго гьабсаг!ат руго бихун унеб кьода т!ад ва кинназго жигара бахъизе ккола гьеб кьо щула гьабизе ва г!ат!ид гьабизе....Гьалагаб г!ор ккун унеб ч!алу(бревно) бит!ун цевеги ч!ун кквезе к!оларо, гьеб дуца абулеб оцол лъар г!адин, щай гурелъул гьанчесел къуватал бат!иял руго.....Заманаялдаги г!адамаздаги балагьизе ккела, ва кинназулго г!айиб бугеблъиги лъазе ккела.....цинги бажарила нилъеда, цо цоязда г!айибал ч!ван, топ х!ач!ого, бит!араб нухде рач!ине, ва ч!алу г!урул раг!алде ккезабизе....киннназго, рахъ рахъалдасан гьеб тункун, жигара бахъани...иншааллагь

Исмаг!илие жаваб- САБРУ!!!

ICQ: --

#3 написал(а): Radg (31 марта 2011 11:48)

Группа: Пользователи
Регистрация: 8.06.2009

Кидалго, какал ралелги, даимго сабруялдеги рук1ине бегьуларо. Г1умру къокъаб жо буго. Заманаялъе сабру лъаларо. Гьабулеб ишалъулъ, кара -виххин1ого, сабруялда г1едег1изе ккола.
Х1ажи Билалов.

ICQ: --

#4 написал(а): maarulav77 (31 марта 2011 17:47)

Группа: Журналисты
Регистрация: 18.05.2009

Сабру- абураб жо, годек!анив яги кухняялда вега -вахъун вук!а абураб жо гуро....Сабру гьабе абураб жоялъул маг!на бук!ана- гьабулеб щинаб жо цебе т!еялъе г!оло, квал-квал гьабулезда даг!баги бан заман хвезабугеян абураб жо.....Гьединаб сабруялда рук!ине ккола кидаго ва сундулъго, хасго нахъ лъураб нефтевышкаги, ва чаналиго азарго г!арадаги нахъ гьеч!ел, ват!аналъе г!оло къеркьей гьабулел "рагъухъабазе".

ICQ: --

	Информация
		Посетители, находящиеся в группе Гости, не могут оставлять комментарии в данной новости.