КIикIуниса ГIусман » MAARULAL.RU :: Аварский Культурно-Просветительский Портал

» КIикIуниса ГIусман
19 октября 2010 | Известные Личности | добавил(а): nastroenie | Просмотров: 16521

ГIусман гьавуна ва гIуна Хьаргаби районалъул КIикIуни росулъ. ГIусманил гьунар тIоцебе къватIибе загьирлъана 1930 – абилел соназда. Гьев хIалтIулев вукIун вуго Хьаргаби консервабазул заводалда. ГIусманица цо-цо къвалакь цо-цо ккун, бигьаго босулеб букIун буго 2 хъап чакаралъул ва тIубазабулеб букIун буго хIалтIул 5-6 норма.

Мухьдахъ хIалтIизе унел гIадамаз жидерго рекIелгъеялъеги гьалмагълъиялъеги цадахъ вачун ГIусман, дагьаб мехалъ хIалтIизе лъугьун вуго ччугIа колеб батагъаялде. 7-8 чияс ралъдалъа къватIибе цIалеб гьин гьес цохIо жинцаго цIалеб букIун буго гьенибги. Гьелда рекъараб мухьги босулеб букIун буго.

Гьелдаса хадуб КIудияв ГIусманил кIодолъиялъулги къуваталъулги дагь-дагьккун тIолабго Дагъистаналдаго тIибитIизе байбихьула. 1934 соналъ Дагъистаналъул халкъазул спартакиадаялда гъунисезул физкультурниказда цадахъ гьес гIахьаллъи гьабиялъ. Гьениб тIоцебесеб къояъго ГIусманица квар цоцахъе цIаялъул къецазда анлъгоясде данде цохIо жинцаго кварги цIан, гьезда тIад бергьенлъи босула. Гьединго, бащдаб пуд бугеб гамачI ва граната рехунги гьес чIел босула. Гьеб къоялъ МахIачхъалаялда ГIусманица халкъалъул кIвар жиндехунго буссинабуна жиндирго кIодолъиялдалъун гуребги, гьелда рекъараб гьунаралдалъунги. Гьев вачуна Северияб Кавказалъул халкъазул спартакиадалде ине тIаса бищараб Дагъистаналъул командаялде гъорлъе. Гьенире ине кколаан рокъоре тIад руссинчIого. Амма кин инел, захIматаб масъалалъун цебе чIана ГIусмание ретIел – хьит балагьиялъул иш. Гьев магIарухъа вачIухъе, тIимугъги чарухъалги ретIун вачине бегьулев вукIинчIелъул. Кинаб мастерскаялда ратулел 57 роценалъул хьитал, яги гьезие чIвалел куцал, гьединго тIагъур ва цогидаб ретIел? Гьеб батIаго гIажаиблъи гьабизе ккараб жоги букIинчIо, гьесул борхалъи букIана 207 сантиметр, цIайи – 156 килограм.

Пятигорск шагьаралде нилъер спортсменал спартакиадалда рагьулеб къоялъ кватIичIого щвана. ТIоцебесеб къоялъ 8 кг. бугеб гамачI 14 метраялъги рехун, ГIусманица приз босун буго. Призалъе кьун букIун буго дол соназ къиматаб сайгъат – патефонги пластинкабиги. Гьениб нилъер командаялда бергьенлъи баркизе аскIове вачIарав Серго Орджаникидзеда лъай-хъвай гьабун буго ГIусманилгун.

КIиабилеб къоялъ КIудияв ГIусман ургуялде вахъине кколаан. Арбитрас тилмач гьоркьовккун, гьикъун буго, дагъистанияв гугаризе вугищилан. Гьеб мехалъ , ГIусманица хапун аскIов вукIарав гугарухъан, лъимер гIадин эхедеги ворхун, чанго секундалъ гьаваялда ккун чIезавун вуго. Цинги тилмачас абун буго: дагъистанияв гугаризе вачIун вугин гьаниве, амма гьас нужеда гьикъулеб бугин, гугарулаго лъиениги лъукъа-къотIи кканани, жиндие суд гьабизе бугищилан. Гьениб сверухъ сихIкъотIи лъугьун буго. ГIусман ургуялде вахъун вуго, амма данде цониги гугарухъан вахъун гьечIо. Бергьенлъи ГIусмание кьун буго, ахиралде щвезегIан ва цонигияв дандчIвачIого бакIаб цIайиялда Северияб Кавказалъул чемпионлъун вахъун вуго.

Гьелдаса хадуб кIватIичIого С.Орджаникидзеца ГIусман Москваялде ахIун вуго ва гIурус мацI лъазабиялъул мурадалда хIалт Iизе восун вуго «Нилъ ва квартIа» заводалде. Гьенив хIалтIун вуго лъабго моцIалъ. ХIалтIулев вукIун вуго «Союздетфильмалда» актерлъун. Гьенив хIан вуго чанго батIияб машгьураб кинофильмалда. 1938-1944 соназда ГIусман цеве вахъун вуго нилъер улкаялъул батIи-батIиял цирказда. ДандчIван вуго цIар рагIарал гугарухъабигун ва щибаб нухалъ бихьизабун буго тIадегIанаб гьунар.

ГIусман вукIана дунялалда цIар арав речIчIухъан гуревги, жинда дунялалда сункьаниги хIинкъи лъачIев бахIарчияв магIарулавги. КIудияв ГIусманил вукIана бергьун цIикIкIараб къуватги борхатаб къаркъалаги.

Автор: Мадина Гаджимаева

(голосов: 18)

| | Комментарии (0) | Распечатать

Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

Добавить страницу в закладки:

Если Вам понравилась новость поделитесь с друзьями :

HTML-cсылка на публикацию
BB-cсылка на публикацию
Прямая ссылка на публикацию

Другие новости по теме:

Лебалав Г1алигъалбац1

АхIмад Чинарил адабияб нух

Камуна белоканияв «Азербайжаналъул халкъияв артист» Телман Адыгезалов.

ГIадатияв муъминчи

Аллагьасул гIаламат

АхIмад Чинар: Меседо (хабар)

ЦIоралдаса НухIиязул тухумалдаса НакIкIазул МухIамад

Сеймур Ханаев. Чороклъиялъул эбел

ЦIадаса ХIамзатилги, ХIамзатил Расулилги хIакъалъулъ цо-цо жеги гIатIидго л ...

	Информация
		Посетители, находящиеся в группе Гости, не могут оставлять комментарии в данной новости.